C’era una volta

Per il consueto appuntamento con “C’era una volta” proponiamo in questo numero il ricordo di due piatti che venivano preparati per la vigilia di Natale. Si tratta di tradizionali ricette – che traiamo dal libro di Chiara Crepaldi e Paolo Rigoni recentemente edito dalla Minelliana col titolo “Il fuoco, il piatto, la parola”.

Risalta in queste proposte alimentari tutta la saggezza e l’inventiva di una cultura culinaria tipicamente nostrana, che in più di un caso meriterebbe certamente di essere riatualizzata almeno in occasioni particolari come in quella qui considerata, relativa al giorno che precede il Natale.

RISI E SUCA

La visilia de Nadale a ièra risi e suca. Mamma ghin faséa tante pignate! Eco, chi altri i fa col desfrito la suca, invésse nantri no.

Mi… a g’mìtivino dentro, a digo sempre de me mama, mi a cato c’la sia più lesièra… A fasso come par far nantra minestra.

Se ciapa la suca, la se péla… A s’ faséa cle suche marine, quele bèle ’sale, bòne, ch’iè squasi dolse. E tirà via la péla e fato tuti tuchiti…, fato tòchi, insuma. E missa dentro in t’la pignata co’ la só acqua, un fiatenìn de òio, siòla, sedano e carota… Ma però la carota a g’là tiràvino via dopo, la g’lassava solo el gusto quela. E la suca a la passàvino.

Vol’ dire che ’sto brodo a l’ preparàvino prima sinò sato che lavoro!?

Elora la visilia a metìvino su e butàvino dentro i risi e fasìvino riso e suca. Chi ’gnésse bèi fissi però…

’Na volta imenestrà a s’ podéva butarghe d’ sóra sùcaro o pressémolo o anca pévaro, come a un ghe piaséa.

Fonte: Ester Caniato – Bellombra

I STROPÈI

I stropèi… praticamente i ièra non so se ’na minestra un dólze che se preparava par la vizilia de Nadale. Par Nadale se preparava i capeleti e par la vizilia dì de astinenza, se magnava i stropèi.

Par quatòrdese persone ghe voléa tre chili de patate, un chilo de farina bianca, vinti grami de lievito de bira, un poco de sale fin.

Dopo che le patate le ièra cote in te l’acqua con osmarìn e sale, se faséva un pastón co’ la farina e el se lassava lievitare par tre ore.

Passà el tempo, dal pastón se ne toléva ’na manà e se tirava di ròdoli che i veniva taià come i gnochi. Po’ i se frizéva in te l’òio; quando i ièra rosa e crocanti i se levava dala padèla e i se metea sula carta da zùcaro.

Se ne vanzava par el dì dopo, i se magnava pocià in t’el cafelate.

Fonte: Emma Landerghini – Trecenta.