Il mondo poetico

SENTI, MAMA…

Xe tanto fàzie, ciamarte, come bévare on gòto de àcoa; e anca dire ca te invoca el soldà in gòera, el putin malà, el vecio ca mòre, el poeta ispirà. Ma par mì no xe na parola da grandi ocasion: la conserva sempre intato – ogni dì – ogni olta – el so significato: mama!

……..

(anca desso ca no te go più…)

RUIGO

Pì no te careza el cuore l’Adeseto e gnanca le mura e l’aria tranqoila de parfumanze ciare.

Na negra vilòta bala sol Po, rabiose raìse slongando al mare.

E pì no riva da l’Adese inturbià bòti de canpane a segnare el tenpo cò tra el tron sora nùgoe rebufà, e de qoà zoga co’l sole – spenelando el zielo – i primi sgozòti.

Palida onbra silenziosa la luna sconde sospiri de àneme drìo piopiti malatà.

E la giostra la gira la gira soto Tore Donà.

Tra Adese e Po inpaza na mata istà, Ruigo.

I COLI UGÀNEJ, A PRIMAVERA

Nievegare de saresare e scaje de sole drento el filare ma l’è sgòelto el vento a scapare co’l destin e scoaciare insogni in bissabògoe de morbin.

Bajar de can cantar de gaj: soto i portegàj s’cianzà de verderame pianze la vegna granda ma l’è felizità.

– Se consola l’ànema de Arqoà –

Respira e varda el tuto Venda el grando e da luntan struca l’ocio a Pava indafarà.

Ma cò more el sole e ziga la zoeta tuto se chieta: Pava inluminà pare on presepio, e i Coli se cuna e drome in pase.

– Tase la luna –

IGNORAZIONE

(da un verso di Rafael Alberti)

Non so dove passino le notti gli angeli, e dove giòchino le schiume del mare con quellé del cielo quando il biancospino bacia il geranio sotto le stelle.

Ròtolano i cieli e corre la terra, e noi con loro in bagni d’alba e agonie di tramonti.

L’anima, no: crocifissa quaggiù rimane.